სიახლეები

მთავარი
სიახლეები

თბილისში 54 ობიექტზე მშენებლობა შეჩერდა

2018-01-19 15:01:12


2017 წლის 20 ნოემბრიდან 2018 წლის 17 იანვრის ჩათვლით, სამშენებლო საკითხების მოწესრიგებასთან დაკავშირებით, ზეპირსიტყვიერი გაფრთხილება 200-ზე მეტ სამშენებლო ობიექტს მიეცა და 54 ობიექტზე მშენებლობა შეჩერდა. ამის შესახებ სტატისტიკური მონაცემები თბილისის მერმა კახა კალაძემ დედაქალაქის მთავრობის სხდომაზე წარმოადგინა.

კალაძის ინფორმაციით, სამშენებლო სამართალდარღვევებზე მიღებული დადგენილებით დაკისრებული საჯარიმო თანხის მთლიანი ოდენობა 627 000 ლარს შეადგენს.

"სამშენებლო დარღვევების სტატისტიკა მართლაც შემაშფოთებელია, რასაც ჩვენი ზედამხეველობის სამსახური ყოველდღიურად აწყდება. 2017 წლის 20 ნოემბრიდან 2018 წლის 17 იანვრის ჩათვლით, სამშენებლო საკითხების მოწესრიგებასთან დაკავშირებით, ზეპირსიტვიერი გაფრთხილება 200-ზე მეტ სამშენებლო ობიექტს მიეცა. უსაფრთხოების ნორმებისა და სამშენებლო პროექტის დარღვევებზე
დაიწყო სამშენებლო სამართალდარღვევის საქმის წარმოება 126 ობიექტის მიმართ. დარღვევით მიმდინარე სამუშაოების გამო შეჩერდა 54 ობიექტი.

სამშენებლო სამართალდარღვევებზე მიღებული დადგენილებით დაკისრებული საჯარიმო თანხის მთლიანი ოდენობა 627 000 ლარს შეადგენს. ძალიან საგანგაშოა ეს ციფრები, რომელიც წარმოვადგინე. ჩვენ არავითარ შემთხვევაში თავი არ უნდა დავუხაროთ ამ გამოწვევებს., პირიქით, ყველაფერი უნდა გავაკეთოთ იმისთვის, რომ მოვაწესრიგოთ ეს მიმართულება. ჩვენ ვზრუნავთ იმ ადამიანებზე, ვინც კონკრეტულ მშენებლობებზე მუშაობს. არავითარ შემთხვევაში არ დავუშვებთ იმას, რომ მიწები მიიტაცონ და უკანონო მშენებლობები აწარმოონ. ამიტომ კიდევ ერთხელ მოვუწოდებ ზედამხედველობის სამსახურის უფროსს გიორგი ბაგრატიონს, რომ რეაგირების გარეშე არ დატოვოს არც ერთი სამშენებლო სამართალდარღვევის ფაქტი,"- განაცხადა კალაძემ.

წყარო

ბოლო სიახლეები